പരസ്പരം സ്പർധയില്ലാത്ത, ആരെയും വേദനിപ്പിക്കാത്ത, മനസ്സുകളെ ഭയം ഭരിക്കാത്ത ഒരു നല്ല നാടിനു വേണ്ടി ദൈവ പ്രചോദിതമായ യത്നമാണിത്. Zest ഒരു സ്ഥാപനത്തിന്റെ പേരല്ല ഒരു ആദർശത്തിന്റെ അടയാളവാക്യമാണ്, ഒരു ചരിത്രദൗത്യത്തിൻ്റെ മേൽവിലാസമാണ്. ഇവിടെ ഞങ്ങളും നിങ്ങളുമില്ല, നമ്മൾ മാത്രമേയുള്ളൂ!

ഏതെങ്കിലുമൊരു സങ്കുചിത മത സാമുദായികതയോട്, കക്ഷി രാഷ്ട്രീയത്തോട് ഞങ്ങൾക്ക് യാതൊരു ആഭിമുഖ്യവുമില്ല. ദൈവമല്ലാതെ മറ്റാരോടും വിധേയത്വവുമില്ല. ഈ ലോകജീവിതത്തിലെ മനുഷ്യ നന്മയും സമാധാനവും മരണാനന്തര ജീവിതത്തിലെ ദൈവ പ്രീതിയും മോക്ഷവും മാത്രമാണ് ഞങ്ങളുടെ ലക്ഷ്യം!

ഉദിച്ചുയരുന്ന സൂര്യൻ്റെ കിരണങ്ങളേറ്റ് തിളങ്ങുന്ന മഞ്ഞുകണങ്ങൾ ! നീലിമ മാഞ്ഞ ആകാശത്തിന്റെ ഇരുട്ടിനെ വകഞ്ഞ് മാറ്റിയ നക്ഷത്രങ്ങളുടെ നറുനിലാവ്! കാട്ടാറുകളിൽ പതഞ്ഞൊഴുകുന്ന തെളിനീർ പ്രവാഹം! വർണച്ചിറകുകൾ വിടർത്തി പറന്നുയരുന്ന ചിത്രശലഭങ്ങൾ! ഈ പ്രകൃതി സൗന്ദര്യങ്ങളിലേക്ക് ഇഴുകിച്ചേർന്ന്, ഇനി ഈ നാടിന്റെ തണൽ വൃക്ഷമായി Zest പച്ചപ്പണിഞ്ഞ് നിൽക്കും.

നാട് വളരാൻ നാടിനൊപ്പം